ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O grupo musical Abasto naceu en San Valentín no ano 1977. Tivo unha vida curta porque se desfixo en 1981, despois do 23 F.
Imaxinamos a escena. Un grupo de adolescentes- Suso Díaz tiña 14 anos- reunidos no barrio de San Valentín co soño de formar un grupo musical. Corría o ano 1977. Eran tantos, cóntanos Suso, que ao final tiveron que facer dous grupos. En Abasto quedaron catro, os que eras mais constantes nos ensaios; Suso Díaz, Humberto, José Grandal e Delfín. Foi Julián, falecido en Cedeira, quen bautizou o grupo co nome de Abasto. “Dixo que era un ser mitolóxico grego. Aínda que o nome era feo quedamos con el”, recorda Suso Díaz. El mesmo investigou e non atopou nada do tal Abasto pero anos despois, vendo un documental da TVG, falaron de Abasto no contexto das meigas galegas.
Ensaios e actuacións
O grupo ensaiaba no antigo colexio dos Hexágonos. Lembran algúns dos lugares nos que actuaron. Hai dúbidas sobre o primeiro concerto que puido ser o organizado polo Club Xuventude no cine Perla de Perlío ou o que deron no Casino mugardés. E lembran o concerto onde mellor lles pagaron, no barrio de Canido, polo que cobraron 20.000 pts que “naquel momento era moito diñeiro, como a paga mensual dun aprendiz de Astano”. Lembran tamén cando os chamou Maikel e se reuniron para tocar na casa, na primeira edición do Fene rock en San Valentín.
O soño musical que se chamou Abasto durou relativamente pouco, o mesmo que a adolescencia dos seus compoñentes. Desfíxose en febreiro de 1981, despois do 23F, unha data desas que non se esquecen.
Na imaxe, Suso Díaz, compoñente de Abasto.
Publica o teu comentario agora