Os Concellos quedan en confinamento perimetral, polo que non se poderá saír do término municipal salvo razóns de causa xustificada. O toque de recoller adiantase ás dez da noite. As reunións pasan a ser dun máximo de catro persoas. A Xunta aconsella recuperar o teletraballo sempre que se poida. As medidas entrarán en vigor na noite do xoves ao venres e permanecerán vixentes ata mediados de febreiro.

A onda de coronavirus chega a niveis nunca vistos. Segundo os datos actualizados polo SERGAS esta mañá, Fene conta con 72 persoas contaxiadas. O número de persoas con COVID 19 chega as 219 en Ferrol, 113 en Narón e 28 en Cabanas. A presión hospitalaria tamén medra. No Marcide ingresaron a 62 persoas en planta e 5 en críticos.