Nacidos en Queens e críados musicalmente no mítico KGB neoiorquino, a historia dos Fleshtones pódese resumir en tres palabras: festa, suor e r’n’r. O seu sinal de identidade máis importante é o seu espectacular directo, unha comunión artellada por Peter Zaremba e Keith Streng, que soe rematar de maneira impredecible. Unha actuación dos neoiorquinos sabemos como empeza, pero nunca como vai rematar. Sen dúbida, son a banda máis explosiva do mundo sobre o palco, cun repertorio carregado de clásicos impagabeis e agora presentando novo disco: “Take a Good Look”, gravado en Detroit nos estudos de Jim Diamond. The Fleshtones tocará o xoves na Sala Run Rum de Ferrol.