ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Esta semana aprendín que a segunda frase máis célebre da historia do cine é aquela de “O Padriño”: “Voulle facer unha oferta que non poderá rexeitar”. Así que parei a cavilar en que clase de ofertas son esas e, malia que eu o descoñezo, os produtores de “¿Dónde estás corazón?” si que saben ben delas. Se cadra foi así que conseguiron a entrevista pola que devecen dende hai un mes tod
No combate en que se converteu o caso pola tutela do rapaz sobredimensionado (que en principio era un doente anónimo, logo foi o universal neno gordo de Ourense e máis adiante Moisés, ante quen se abrían os mares vermellos de fotógrafos e micrófonos) acabouse por facer da cuestión unha disputa entre a implacabilidade da lei e o inmenso amor paterno-filial. Malia que este se dea por suposto, non é argumento para que todos os que nos queremos nos saltemos os códigos con alegría. De seren así, se cadra estariamos escoitando aos Grateful Dead nunha comuna hippie, mais non o é, se cadra por desgraza.
En calquera caso, a revelación de segredos por diñeiro é antes unha cuestión de ética particular que de moral universal, e a min que os pais do cativo tutelado pola Xunta vaian a DEC a contar os seus segredos de cama, ou que el ten un sexto dedo no pé dereito e ela unha marca de nacemento no glúteo esquerdo paréceme estupendo. Agora ben, ir contar intimidades que pertencen a vida de outros, neste caso á dun neno de dez anos, para lucrarse, xa non me fai o mesmo chiste e rebaixa en varios puntos a solidariedade que puidera manter coa súa causa. Por certo, que a frase máis célebre da historia do cine é a de “Foise co vento”: “Certamente, querida, impórtame un beldro”. A min, coas glorias e miserias privadas do neno obeso acontéceme o mesmo.
DEC emítese ás dez da noite en Antena 3.