A carreira terá como punto de saída e meta a rúa Castelao, a diferenza dos pasados anos que partía da casa do concello e remataba diante da zona onde se ubican os centros educativos de Negreira. Outra das novidades desta edición é a colocación dun chip en cada corredor. Segundo explicou Emilio Forján de Radio Negreira, por medio deste dispositivo facilitarase a actividade dos organizadores xa que aportará datos máis fiables dos tempos e demais incidencias que se produzan no desenvolvemento da proba.

Os atletas terán unhas semanas de vertixe xa que entre a carreira de Negreira celebrarase con anterioridade a Carreira Popular Camiño de Santiago, o 31 de outubro,  e posteriormente,  a de San Martiño en Ourense.