ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A música tradicional gañou en respeto, prestixio e valoración. Así opina o directivo de Berros do Castro Ramón Dopico, salientando o recoñecemento internacional de músicos como Dani Bellón ou Xabier Díaz. A Xornada de Cultura Popular Galega de San Sadurniño homenaxeará este sábado ao cuarteto de gaitas Raparigos, que levan cincuenta anos no mundo da música. Comezaron en 1968 nas festas da Ascensión de Santiago e no San Froilán de Lugo.
Na cidade das murallas gañaron o concurso de gaiteiros organizado naquela ocasión. “Raparigos representa a conexión entre os gaiteiros tradicionais como Constantino Bellón e a xente nova que se achegaba ao mundo da gaita” suliña Ramón Dopico que tamén forma parte na actualidade do cuarteto, con Xan Rodriguez Silvar, Xavier Fariñas e Rafael Victoria.
Na Xornada do sábado ademais da exposición, haberá un obradoiro de gaita galega impartido por Xaquín Xesteira, de Treixadura. O día finalizará cun concerto aberto ao público ás oito da tarde na Casa da Cultura de San Sadurniño. Actuarán Xaquín Xesteira cos seus alumnos, os Faíscas de Solobeira de Cambados e a agrupación de canto e baile Donaire da Coruña.
Publica o teu comentario agora